ބުދަ 18 ޖުލައި 2007
a
ސީ.އެޗް.އެސް.އީގެ ލޮބުވެތި ޕްރިންސިޕަލް އަލްފާޟިލާ ފާތުމަތު އާމިރާއަށް
ވެދުންސަލާމަށްފަހު ދަންނަވަމެވެ.
ސީއެޗްއެސްއީގައި ވޭތުވެކުރި ދެއަހަރުގެ ތަޖުރިބާއަށްފަހު އިސްލާހުކުރަން ޖެހޭކަމަށް އަޅުގަނޑަށް ފެންނަ ބައެއް މުހިއްމު ކަންކަން އަޅުގަނޑު ވާނީ ނިމިދިޔަ ޖޫން މަހު ޕްރިންސިޕަލަށް ހުށަހަޅާފައެވެ. އެގޮތުން ސީއެޗްއެސްއީގެ އިސްދަރިވަރުންނާއި ސްކޫލްގެ ގުޅުން ކުޑަކަމާއެކު، އެއީ އެކަން އޮންނަން ޖެހޭ ގޮތްކަމަށް ނުވާތީ، ސްކޫލުން ވަކިވާ ކުދިންނާއި ސްކޫލްގެ ގުޅުން ބަދަހިކުރުމަށްޓަކައި އިސްދަރިވަރުންގެ ޖަމިއްޔާއެއް ހެދުމަށްވެސް އަޅުގަނޑުވާނީ ޑްރާފްޓެއް ހުށަހަޅާފައެވެ. އަޅުގަނޑުމެންގެ އިޚްލާސްތެރި މަޤްސަދަކީ ކޮންމެވެސް ހައިސިއްޔަތަކުން ސީއެޗްއެސްއީއަށް ތާއަބަދު ޚިދުމަތް ކުރުމެވެ. ހަމައެހެންމެ ކިޔަވަން ބޭނުންވާ ނޯޓްސް ލުއި ފަސޭހަ ގޮތަކަށް ލިބުމަށް އެދި މިސެންޓަރުގެ މެޖޯރިޓީކުދިންގެ ތާއީދާއެކު އަޅުގަނޑުވާނީ އިލްތިމާސް އެއްވެސް ހުށަހަޅާފައެވެ. މަޤްސަދަކީ ދަރިވަރުންނަށް ލިބެންޖެހޭ އަސާސީ ޙައްޤުތައް ލިބުމެވެ.
މިފަދަ ކަންކަމާމެދު ޕްރިންސިޕަލާއި މަޝްވަރާކޮށްލަން އަޅުގަނޑުމެން ސީއެޗްއެސްއީގެ އިސްދަރިވަރުންކޮޅެއް އެބަބޭނުންވެއެވެ.
ވުމާއެކު އަޅުގަނޑުމެންނަށް ޕްރިންސިޕަލާއި ބައްދަލުކުރުމުގެ ފުރުސަތެއް ދެއްވުން އެދި އިޚްލާސްތެރިކަމާއެކު ދެންނެވީމެވެ.
އިޚްތިރާމްޤަބޫލްކުރެއްވުން އެދެމެވެ.
16 ޖުލައި 2007
އަލްމުޚްލިސް
މޫސާ އަންވަރު
(އިސްދަރިވަރުންގެ ފަރާތުން)
ސެންޓަރފޮރ ހަޔަރަ ސެކަންޑްރީ އެޑިއުކޭޝަން
މާލެ،
____________________________________________________________
