އާދިއްތަ 8 ޖުލައި 2007
ސީއެޗްއެސްއީގެ އަހަރީދުވަހުގެ މުނާސަބަތުގައި އިއްޔެ ހެންވޭރު ދަނޑުގައި އެސެންޓަރުގެ ދަރިވަރުންގެ މެދުގައި ބޭއްވުނު ކުޅިވަރުތައް ނިންމާލުމުގެ ގޮތުން، ސީއެޗްއެސްއީގެ ދަރިވަރުން، އެސެންޓަރުގެ ސުޕަވައިޒަރު ނާހިދާ މުޙައްމަދުގެ އިސްތިއުފާ ދިނުމަށް ގޮވާލާ އިހުތިޖާޖު ކޮށްފިއެވެ. ގާތްގަނޑަކަށް ދުއިސައްތައެއްހައި ކުދިން ބައިވެރިވި އިއްޔެގެ ކުޅިވަރު ހަރަކާތްތަކަށްފަހު ނާހިދާ އިސްތިއުފާއަށް ގޮވާލައި ލީފްލެޓް ބަހާފައިވެއެވެ. ސްކޫލްޓީޗަރުންނަށާއި ކުދިންނަށް ދުއިސައްތައެއްހައި ލިފްލެޓް ބެހުމުގައި މިހާރުގެ ދަރިވަރުންނާއި އިސްދަރިވަރުން ބައިވެރިވިއެވެ.
ދަރިވަރުންގެ ޝުއޫރުތައް ހުރިގޮތާ ބެހޭގޮތުން ދަރިވަރަކާއި ސުވާލުކުރުމުން "ނާހިދާ އިސްތިއުފާއަށް ގޮވާލާ ލީފްލެޓް ދިނުމުން ކުދިން ވަރަށް ގަޔާވޭ އަދި އޭނާ އަކީ މާ ބޮސީ ވެގެން އުޅޭ ކުދިންނާ ނުގުޅޭ ފޮނި މީހެއް، އޭނާ ޤަބޫލެއްނުކުރަން، ޖުމްލަގޮތެއްގައި މުޅި ސީއެޗްއެސްއީގެ ރޫހު މިހުރީ ނާހިދާ އާދެކޮޅަށް، ސީއެޗްއެސްއީއަށް އަޅުގަނޑުމެން މިގޮވާލާ އިސްލާޚުތައް އަންނަންދެން އިހުތިޖާޖުތައް މެދުނުކެނޑި ކުރިއަށްދާނެ" ކަމަށް ބުންޏެވެ
____________________________________________________________
No comments:
Post a Comment